Die motivering vir sy boek, “Môre Sal die Son Weer Skyn”, het uit sy eie en ander mense se lewenservaringe en uitdagings ontstaan, sê die sanger en skrywer (én eiendomsagent) Billy Paulson.
Wat wil hy bereik? Elke dagstukkie in die boek, sê hy, “is geskryf om hoop, geloof, bemoediging en praktiese lewenswysheid te deel”. Die boek kan bestel word by 082 443 2209.
Die stigter en eienaar van die gemeenskapsradiostasie Paarl FM was die afgelope Sondagaand deel van MasterChef SA se sesde seisoen op e-tv. “Pork belly” en beesvleis het sy smaakkliere gekielie
Wat het hy uit die ervaring geleer? Die waarde van kwaliteit – ongeag of dit oor kos of die inhoud van jou radiostasie is.
Die “Rassie Erasmus van die Boland”, wat onlangs deur Grabouw onseremonieel huis toe gestuur is, se visier is steeds op ’n pos in die unie waar hy tot nou sy grootste sukses behaal het.
Waarom maak dit saak? Foto’s en ’n video is pas op sosiale media geplaas wat wys hoedat hy hand bysit by Kuilsrivier, terwyl daar ook geskinder word dat sy kop Robertson Town toe staan.
Om van KunsteKaap ’n plek vir almal te maak, lê dr. Marlene le Roux naaste aan die hart – en dit is ook wat môre se viering van die teater se 55ste bestaansjaar simboliseer.
Wat gebeur? Om 11:00 die oggend word ’n gedenkmuur onthul, getiteld “Becoming Artscape – a Place Reborn”, gedagtig aan die opening van die teater op 19 Mei 1971 (net vir sekere mense) as die ou Nico Malan. Die publiek word genooi om saam te kom staan vir ’n massa-groepfoto.
’n Brief uit Herold: Sekere naweke – in dié geval om die nalatenskap van ’n geliefde skrywer te vier – dra jy lank daarna met jou saam, skryf SUMAYYAH PETERSEN (op die foto saam met Darryl David).
Wat bedoel sy? Die eerste Dalene Matthee-boekefees die afgelope naweek in Herold, het vir haar gevoel “asof mense vir twee dae weer onthou het hoe om regtig na mekaar te luister”.
Die gerespekteerde teoloog en Khoisan-navorser dr. Willa Boezak is deur groeiende moderne eiendomsontwikkelings in die Stellenbosch-area gegrief – én gemotiveer om ’n gedig te skryf. Foto: ILZE NIEUWOUDT
Waarom is dit belangrik? Omdat hy deesdae ’n inwoner van die gebied is, bekommer die “nadere pyn” tussen die ontwikkelings en die byna chroniese ellende in historiese bruin gebiede hom.
Dié professionele danser van George moes by die Suidoosterfees in twee “diep” verhoogstukke – Kirby van der Merwe se Eugene; en Kinderlê deur Lynthia Julius – haar lyf óók akteur hou.
Hoe het dit gegaan? Hoewel sy nog altyd dans eerste kies, hou sy nou baie meer van akteurspel se “minder beweeg, meer stilte”, sê sy.
“Oud, maar nog nie koud nie” is dalk ’n geykte uitdrukking, maar dit pas nogal goed by die geliefde liedjieboer Anton Goosen, laas maand 80 geword.
Hoekom maak dit saak? Terwyl sy ikoniese treffer “Jantjie” nou 50 gehaal het, het hy nóg ’n liedjie uit die verlede heruitgereik, naamlik “Hokaai hokaai”, maar aan Goosen skyn daar geen keer te wees nie.
Die 23ste Suidoosterfees (SOF) word vanaf Woensdag, 29 April, tot Sondag, 3 Mei, hoofsaaklik by die KunsteKaap-teater gehou.
Hoekom maak dit saak? Dit val saam met KunsteKaap se 55ste bestaansjaar; en “Kinderlê” (met o.a. Miché van Wyk en Theodore Jantjies) is een van die shows waarna Mondstuk Media uitsien. (Foto: GYS LOUBSER)
’n 17-jarige atletiekster van Swartberg Sekondêr op Caledon, Mateo le Roux, het beslis geen hoogtevrees nie.
Waarom maak dit saak? Hy is nie net die nasionale o/18-kampioen in hoogspring nie, maar ook nou die senior kampioen. Los Angeles Spele 2028, hier kom hy en sy afrigter, Heinrich Fortuin.
