Maandag, 13 – 20 Julie
Hoe? ’n Berig op 8 Julie in die Hermanus Times deur Mitzi Buys het individue en organisasies se aandag getrek en hulle laat inspring om dié ster-hoogspringer in Augustus in Oregon, Amerika, te kry.
Waarom? Die berig het vertel dat Matao le Roux, gr. 10-leerling aan Swartberg Sekondêr op Caledon, R35 000 moes insamel om aan die kampioenskappe deel te neem. Sy ma, Maeve, het donateurs op Facebook bedank.
Wie en wat? Gemeenskapslede en oudspelers van Villiersdorp beweer hulle word deur die klubbestuur daarvan weerhou om as lede aan te sluit.
Hoe? Die groep het al verskeie vertoë aan die klub gerig oor die aansluitingsfooi en betaalmetode, terwyl die unie ook oor ’n “ongrondwetlike” AJV ingelig is. Boland kry skynbaar stilstuipe hieroor.
Waarom? Ons het die ervare joernalis Julian Jansen gevra wat dit verg om te kan skryf oor ’n tragedie soos die selfdood van die sokkerheld Jayden Adams.
Hoe? “Ek dink die belangrikste is om baie na aan die familie te kom,” sê hy, “want dis ontsettend moeilik en [’n] baie sensitiewe arena wat joernaliste betree.” (Foto deur Edrea du Toit)
HEINDRICH WYNGAARD het onrustig gevoel toe hy lees dat die Bafana-ster Jayden Adams homself opgehang het, dae nadat hy teruggekeer het van die Fifa Sokkerwêreldbekertoernooi.
Waarom? Die (voorlopige) verklaring daarvoor het net nie voldoende geklink nie. Nou het meer aan die lig gekom. Hoe moet ons daarop reageer?
Wat en wie? Die stigter van People Against Race Classification, Glen Snyman (middel), het Gauteng toe gereis om respek aan Sandra Laing (links) te gaan betoon. Haar man, Johannes, staan regs.
Hoekom? Mev. Laing is uit ’n wit Afrikaner-huwelik gebore en is verwerp weens haar “bruin” voorkoms. Mnr. Snyman meen dit bewys die absurditeit van ras-etikette.
Wat? Die beweerde omkopery van skeidsregters in Boland-rugby is heel moontlik ernstiger is as wat die unie van “prez” Bennie van Rooi tot nou voorgegee het.
Waarom? Sowel SA Rugby as Boland (Pty) Ltd se ondersoeke duur glo voort, terwyl die Boland-unie nou deur Kaapse Forum by die Inligtingsreguleerder oor sy ondersoek verkla is.
Wie en wat? Die “vloek-dominee” van VGK Clanwilliam, ds. Wilden Hector, is gister deur ’n vol oggenddiens terugverwelkom.
Waarom maak dit saak? Dit was in weerwil van sy afdanking deur die Ring van Clanwilliam. Mondstuk Media kan nou eksklusief onthul dat hy ’n boek oor sy lewe voltooi het.