Wie en wat laat ons praat?
Wie en wat laat ons praat?
Die Theewaterskloof-munisipaliteit het ’n diensverskaffer, genaamd ZWH, glo R128 miljoen vir die huur van 14 kragopwekkers betaal … en is blykbaar nog met R40 miljoen in die skuld by die maatskappy.
Hoe gebeur dit? Die Spesiale Ondersoekeenheid (SIU) moet nou die antwoord op die vraag probeer vasstel by amptenary en politici wat daarvoor verantwoordelik was.
Die struggle-ikoon en teoloog dr. Allan Boesak is hewig omgekrap oor ’n boek oor sy lewe, “Boesak Unauthorised”, wat deur die joernalis Dennis Cruywagen geskryf is.
Waarom? Cruywagen meen dit is omdat dr. Boesak bekommerd is dat die (minder aangename) persoonlike detail oor sy lewe negatief op hom sal reflekteer.
RASAAD ADAMS gaan kuier by ’n bekende inwoner van Hawston, wat graag ’n fluit-weergawe van “God Defend New Zealand” en “God Save the King” vir die All Blacks wil opvoer.
Hoe sê? Dit is sy grootste droom, vertel oom Stoffel Kees, nou al 70, wat hy graag wil bewaarheid voordat hy die aarde verlaat.
Wat? Mondstuk Media se Facebook-plasings en stories oor die (onafgehandelde) ondersoeke na bewerings van skeidsregter-omkopery in die Boland, kry steeds baie aandag.
Hoe? Die kyke (of “views”) vir die vooraf-plasing op Facebook oor verlede Maandag se storie hieroor was meer as 300 000. Dié oor Clanwilliam se “vloek-dominee” was selfs meer.
Wat? Die grootste uitblinker in die Sanlam Boland Kavaliers se Curriebeker-wegholsege teen die Stormers XXIII gister in Wellington, se volgende mikpunt is die URC en daarna die BlitzBokke.
Hoekom? “Oor die manier hoe ek speel en my spoed en die space wat daar is,” sê Jayden Bantom vandag in ’n onderhoud met Mondstuk Media.
Wat en wie? Die stigter van People Against Race Classification, Glen Snyman (middel), het Gauteng toe gereis om respek aan Sandra Laing (links) te gaan betoon. Haar man, Johannes, staan regs.
Hoekom? Mev. Laing is uit ’n wit Afrikaner-huwelik gebore en is verwerp weens haar “bruin” voorkoms. Mnr. Snyman meen dit bewys die absurditeit van ras-etikette.
Wat? Die beweerde omkopery van skeidsregters in Boland-rugby is heel moontlik ernstiger is as wat die unie van “prez” Bennie van Rooi tot nou voorgegee het.
Waarom? Sowel SA Rugby as Boland (Pty) Ltd se ondersoeke duur glo voort, terwyl die Boland-unie nou deur Kaapse Forum by die Inligtingsreguleerder oor sy ondersoek verkla is.
Wie en wat? Die “vloek-dominee” van VGK Clanwilliam, ds. Wilden Hector, is gister deur ’n vol oggenddiens terugverwelkom.
Waarom maak dit saak? Dit was in weerwil van sy afdanking deur die Ring van Clanwilliam. Mondstuk Media kan nou eksklusief onthul dat hy ’n boek oor sy lewe voltooi het.
Een van die land se bekendste polisiekundiges, dr. Lennit Max, wat in sy lewe al op die plaas en op die spoorweë gewerk het, het nou ’n boek geskryf.
Waarom is dit belangrik? Max, wat in graad agt (of standerd ses) uit die skool is, vertel onder meer hoedat hy uiteindelik tot provinsiale kommissaris en ’n doktor in die regte gevorder het.
Hierdie twee dames in die foto was deel van die groep buitelanders wat Mondstuk Media teëgekom het toe ons Sondagmiddag by die bekende “Glaskasteel”-sportgronde in Bredasdorp aankom.
Barmhartige Samaritaan: Jeremy October van die Bredasdorp Voeding- en Ontwikkelingskema was verantwoordelik vir die verskaffing van etes aan dié mense van hoofsaaklik Malawi en Zimbabwe.