“Die vriend het altyd lief, en die broer word gebore met die oog op die nood.” – Spreuke 17:17
Hierdie teksvers word as die aanhef gebruik vir die dagstukkie wat die sanger Billy Paulson vir 8 Junie 2026 in sy nuwe boek opgeteken het. Jy kan ook hier luister na sy nuwe lied, getiteld “Baie dankie”.
Mondstuk Media het verlede week met Billy Paulson oor sy boek met 365 dagstukkies gepraat. Dit deel die titel van sy groot trefferlied, “Môre sal die son weer skyn”.
Wat doen hy nog? Paulson is lank jare al ’n eiendomsagent en besit sy eie agentskap. Hier sê hy wat die beroep vir hom lekker maak.
Die beeld van ’n kind, wat sy gesig in skaamte bedek omdat hy nie aan die fondsinsamelingsaksie kon deelneem nie, het emosies regoor die land ontketen.
Wat leer ons daaruit? GLEN SNYMAN skryf dat die werklike probleem is die enorme druk wat op onderwysers geplaas word om geld vir die skool in te samel.
Die prokureur en oudonderwyser MARYNA MARENGO-BARNARD skryf oor “grootmens-boelies” in magsposisies en met “onskuldige gesiggies maar met die meeste gif”.
Waarom is dit belangrik? Gewoonlik geniet kinders op skool beskerming en berading teen boelies, sê sy, maar dié soort ondersteuning bestaan nie altyd op kantoor of in raadsale nie.
Ons storie oor die tragiese selfdood van Conray du Plessis, ’n gr. 11-leerder aan Emil Weder Hoërskool op Genadendal, is met simpatie én kritiek begroet.
Wat sê die kenners? Die opvoedkundige sielkundige QUINTON ADAMS sê ons beter tyd maak om méér na jongmense te luister en ons moet ophou om in ontkenning te leef.
Die onlangse verwoestende brand by die Augrabies Intermediêre Skool op die Noord-Kaapse dorpie Augrabies, hou ernstige gevolge vir die skuldiges in.
Waarom moet hierop gelet word? Die vermeende brandstigters is jong skoolkinders. Hieruit moet hulle en ander leer, skryf ISAAC CLOETE.
Ouers en skole moet ernstig(er) aandag gee aan die soort voertuie waarmee leerders vervoer word en ook die gedrag van die bestuurders, sê dr. SEYMOUR BOTHMAN.
Waarom is dit belangrik? Ons paaie het slagvelde geword en kinders, op pad skool of huis toe, is toenemend slagoffers.
Julle oom was ’n ruk stil, want ek wou net eers bietjie dink oor die inhoud van die rubriek – en op my ouderdom word daar soms lank gedink oor dinge.
My punt? Ek het Mondstuk gevra of ek nie eerder meer soos ’n adviesrubriek kan skryf nie. Toe sê hulle dit hang van my af.
Mondstuk Media se pad het Vrydag op Greyton gekruis met De-jeanne Carolus, ’n onderwysstudent by CPUT in Wellington.
Wat leer ’n mens by haar? Omtrent 90% van haar matriekmaats “doen niks nie”. Haar motto behoort hulle te motiveer: “Doen jou ding elke dag, maak nie saak hoe swaar of hoe hard dit is nie.”
Miskien moet daar probeer word om ’n “township–ekonomie” of, anders gestel, “huisvrou-ekonomie” in ons gemeenskappe tot stand te bring, skryf KEITH MEYER.
Huisvrou-ekonomie? “Meeste vannie tyd is die vrou tog die Minister van Finansies innie huis,” sê hy. “Dis sy wat moet struggle om die rand te rek en die kos oppie tafel te sit, die monde te voed.”
