Skoolweek 1 het vir gr.1’s in ’n paar dorpe vreugde gebring in die vorm van skooltassies met skryfbehoeftes, geskenk deur Kaapse Forum, VirSeker Trust en die Dagbreek Trust.
Die breër impak? Ook die lewe van diegene wat die oorhandiging doen, soos Aldo Carelse, projekassistent en prokureur by Kaapse Forum, word betekenisvol hierdeur geraak.
In Bethelsdorp in die Baai het die 21-jarige Keeicha McPherson pas haar eie haarsalon geopen en haar volgelinge op TikTok daarvan vertel.
Wat maak dit besonders? Haar opgewondenheid sal jou laat dink dis iewers in ’n groot winkelsentrum, terwyl dit agter in hulle jaart is. Dit bewys dat trotsheid en inspirasie nie ’n fênsie adres vereis nie.
Waarom word dieselfde soort fondsinsamelings hééltyd in bruin gemeenskappe gedoen en wanneer gaan ons anders begin dink daaroor, vra HEINDRICH WYNGAARD op sy Youtube-kanaal “Wie & Wat met Heindrich Wyngaard”. Hier verduidelik hy met 7 PUNTE wat hy bedoel.
Sommige mense kan jou stories vertel van tye toe hulle groot geld verdien het in voltydse werke en ook as eienaars van hul eie besighede. Maar dan kan hulle jou ook vertel hoe dit voel om groot geld-foute te maak, geld te verloor en in geld-moeilikheid te beland.
Waarom is dit belangrik? Omdat jy by hulle kan leer oor hoe om nie dieselfde foute te maak nie. Hier is sewe beginsels van iemand wat weet; sy is ’n regte mens, maar ons noem haar sommer Abyb Nyleve.
Jy sal die naam Chanté Priga nie sommer aan die groot klok sien hang nie, want sy verkies dat haar besigheid se naam – 7SALT – in die kollig moet wees.
Waarom ontmoet ons haar in hierdie uitgawe? Omdat dit Mondstuk Media se vyfde uitgawe is, het ons haar mooi gevra om gesig te wys, want as ons grafiese kunstenaar is sy ’n kardinale deel van die span.
’n Harde werklikheid: Talle bruin families bewoon huise, wetlik die eiendom van ouers of grootouers wat al jare dood is – en nie ’n boedel agtergelaat het nie.
Waarom maak dit saak? Eienaarskap kan dan nie moeiteloos aan die erfgenaam of erfgename oorgedra word nie en hulle kan dit ook nie as sekuriteit vir finansiering gebruik nie, sê Aldo Carelse, ’n projekkoördineerder by Kaapse Forum.
In ons ‘Geld & Welvaart’-kategorie gooi ons die net wyd, want om geld te besit, is goed, maar om volgehoue welvaart te skep, is beter. Hiervoor, glo dit of nie, het jy ook die kuns van onderhoudvoering nodig.
Waarom moet jy dit weet? Omdat die onderhoud-tegnieke, wat Hannes van Wyk hier deel, nie beperk is tot media-onderhoude nie. Elke gesprek, werksaansoek of transaksie, kan baat daarby.
Die lewe gooi soms uitdagings wat ons laat voel asof ons in ’n storm op see is. Dit is wanneer veerkragtigheid goed te pas kom.
Waarom is dit belangrik om te weet? Jou lewe, of iemand na aan jou, kan van vandag af dalk anders verloop as jy ag slaan op raad soos dié.
Oorspronklik van Heidelberg (Kaap), maar nou lankal ’n Caledonner, het die man bekend as “Oom Syd” vele ysters in die vuur: eers net bestuurskool-eienaar, nou ook fotograaf, aanbieder van rugbyprogramme op Facebook en Youtube; en heeltyd bly hy op die uitkyk vir nuwe geleenthede. Hier maak hy sy kos-trok staan; daar verkoop hy vars groente, vrugte of vis.
Waarom moet jy hiervan kennis neem? ’n Mens kan sekerlik by hom leer oor die lesse en die foute wat hyself al ervaar het in die hantering van sy geldsake en die bestuur van sy besighede.
