Dinsdag, 1 September 2026
RASAAD ADAMS gaan kuier by ’n bekende inwoner van Hawston, wat graag ’n fluit-weergawe van “God Defend New Zealand” en “God Save the King” vir die All Blacks wil opvoer.
Hoe sê? Dit is sy grootste droom, vertel oom Stoffel Kees, nou al 70, wat hy graag wil bewaarheid voordat hy die aarde verlaat.
PIETER LOURENS brei uit oor sy ongelukkigheid oor die duur kaartjiepryse vir die All Blacks se geskiedkundige toer na Suid-Afrika.
Wat sê SA Rugby? Die vinger wys ook na die mense wat so kla oor die kaartjiepryse, want die punt wat hulle mis, is die ekonomiese inspuiting wat die hele land uit die toer verdien.
Die begin was ’n waagkans, maar ons is opgewonde om ons eerste jaar as ’n aanlyn-nuusplatform saam met julle te kan vier. Ons eerste uitgawe op 1 September 2025 het die Bolandse rugbyspeler Sydney Tobias op ons voorblad gehad en rugby het een van ons gewildste temas gebly. Maar in hoofsaak gaan Mondstuk oor mense in ons gemeenskappe en oor stories en menings wat jy nie annerplek kry nie.
Nou gaan ons sorg dat jy weekliks sommer al Sondagaande kan begin lees aan die Maandag se uitgawe, maar dan gaan jy moet subscribe op ons nuwe nuusbrief waarmee ons een van die dae begin. Ons eer ons Hemelse Vader vir sy goedheid en guns – en dankie vir almal van julle se ondersteuning!
Pieter Lourens spoel sy mond uit oor SA Rugby en duur “Greatest Rivalry”-kaartjies. Nou word hy gekap omdat ’n All Black is (soos sy foto saam met Sean Fitzpatrick wys).
Sy verweer? “As my geskiedenis in rugby nie erken word nie, maar Frik du Preez en Jan Ellis s’n, hoekom moet ek die Bokke ondersteun?”
Die Theewaterskloof-munisipaliteit het ’n diensverskaffer, genaamd ZWH, glo R128 miljoen vir die huur van 14 kragopwekkers betaal … en is blykbaar nog met R40 miljoen in die skuld by die maatskappy.
Hoe gebeur dit? Die Spesiale Ondersoekeenheid (SIU) moet nou die antwoord op die vraag probeer vasstel by amptenary en politici wat daarvoor verantwoordelik was.
Mondstuk Media se storie in Julie, was toe akkuraat: Bennie van Rooi, Boland se rugbybaas, is inderdaad die Patriotic Alliance se burgemeesterskandidaat in Langeberg.
Waarom maak dit saak? Dié nuus raak bekend, terwyl SA Rugby se ondersoek na beweerde refs-omkopery in die Boland nou glo in die hande van senior advokate is.
Die struggle-ikoon en teoloog dr. Allan Boesak is hewig omgekrap oor ’n boek oor sy lewe, “Boesak Unauthorised”, wat deur die joernalis Dennis Cruywagen geskryf is.
Waarom? Cruywagen meen dit is omdat dr. Boesak bekommerd is dat die (minder aangename) persoonlike detail oor sy lewe negatief op hom sal reflekteer.