Wie en wat laat ons praat?
Wie en wat laat ons praat?
Die egpaar Noël en Chandré Bastiaan van Bredasdorp het ’n restaurant geopen op dieselfde terrein waar die Agulhas-lighuis aan die mees suidelike punt van die vasteland geleë is.
Wat maak dit besonders? Hulle noem dit “Needles”, wat verwys na die verskillende naalde van ’n kompas, verduidelik Noël toe Mondstuk Media by die restaurant aansit vir ’n ete.
Die land se oudste en grootste begrafnisondernemer, AVBOB, beleef tans benoude oomblikke nadat dit vermoedelik deur ’n kuberaanval getref is.
Hoe affekteer dit die besigheid? AVBOB se takke landwyd bly operasioneel, word kliënte verseker. Mondstuk Media het vroeg vanoggend op ons Facebook-blad eerste in die land hieroor berig.
Die oorsaak van die dood verlede naweek van Antonio Britto, ’n US-student, veroorsaak steeds bespiegeling op sosiale media. Mondstuk Media het nou EKSKLUSIEF inligting daaroor bekom.
Waarom maak dit saak? Die universiteit het eers Donderdag – vyf dae later – ’n mediaverklaring oor Antonio se dood uitgereik en versoek dat die bespiegeling gestaak word.
Die slagspreuk “Abahambe” (“laat hulle padgee!”) word nou ook in die Wes-Kaap gehoor. Dit is die eerste keer deur die Patriotiese Alliansie gebruik, maar die party het sedertdien stiller geraak daaroor.
En nou? Die afgelope klompie dae is die slagspreuk egter uitgeleef in dorpe soos Mosselbaai, Kleinmond en Kraaifontein waar inwoners beweerde ongedokumenteerde buitelanders verjaag.
’n Week van nou af sal dit die herdenking wees van die dag in 2021 toe Zhandré Jacobs soos ’n naald weggeraak het.
Hoe voel sy familie? Sy pa, Hansie, vertel eksklusief aan Mondstuk Media dat sy ma, Sophie, só gehoop het om net nog een keer sy stem te hoor voordat sy drie maande gelede gesterf het.
Die inwoners van die land se oudste sendingstasie weet nie waar hul hulp vandaan sal kom nie, want dit lyk vir hulle of niks gedoen word aan die krag wat aan en af vir vyftien dae nou al nie.
Wat’s die storie? Mondstuk Media is deur bekommerde Genadendallers genader – spesifiek omdat die skoolkoshuis ook deur die elektrisiteitskrisis geraak word.
Die VGK van Suider-Afrika, familie en vriende probeer nog tot verhaal kom ná die onverwagse heengaan van ds. Trevor Links van die VGK Goodwood en ook Vloot-kapelaan.
Hoe word hy onthou? In ’n roerende huldeblyk sê dr. Allan Boesak aan Mondstuk Media dat ds. Links “van daai mense [was] wat ’n oorvloed van die Here gekry het”.
Die jaarlikse Danny Titus-gedenklesing van die DAK Netwerk is die afgelope naweek in Kuilsrivier deur regter Steven Majiedt van die Konstitusionele Hof gelewer.
Wie was Danny Titus? Dié regsgeleerde en menseregte-kommissaris, wat in September 2020 gesterf het, was ook onder meer ’n taalaktivis en die stigtersvoorsitter van DAK.
Die Khoisan-taalaktivis en -opvoeder Bradley van Sitters het verlede week voor die gaste by KunsteKaap se 55ste bestaansviering in Kaapstad die teater se lof besing in die taal van die inheemse mense van die land. Foto: HEINDRICH WYNGAARD
Die twee rugbyspelers wat beskuldig word dat hulle ’n CPUT-student verkrag het, se voorname is verlede week deur hulle ondersteuners op plakkate buite die hof gebruik.
Wat’s fout daarmee? Dit is nie aldag dat ’n mens plakkate sien wat vir die beskuldigdes “geregtigheid” eis nie; dit is meermale ter ondersteuning van die beweerde slagoffer.