Regter Edwin Cameron het gister by ’n Jakes Gerwel-gesprek by die Suidoosterfees gesê die besit van dagga en dwelms behoort nie kriminele oortredings te wees nie.
Hoe so? Dit sal help teen die oorbevolking in tronke, argumenteer hy en sy twee medeskrywers van die boek “Behind Prison Walls – Unlocking a Safer South Africa”.
Die nuuskanaal eNCA het Sondagaand in sy “We, the Nation”-program ’n spesiale bespreking gehou oor die lot van bruin gemeenskappe ná dertig jaar van demokrasie.
Hoekom maak dit saak? Deelnemers het saamgestem dat die ervaring van marginalisering by bruin mense geldig is. HEINDRICH WYNGAARD het gekyk – en meen die fokus moet na ekonomiese opheffing verskuif.
Die idee spruit uit Romantha se reaksie op ’n jong wit “content creator” se video-pleidooi dat swart Suid-Afrikaners “witmense ’n breek moet gee oor kolonialisme en apartheid”.
En dan wat? Eerder as nóg ’n WVK, reken Romantha toe, moet wit en swart vroue eerder om die etenstafel sit en hieroor praat.
’n Dokumentêr word tans vervaardig oor die veelbesproke verskynsel van Suid-Afrikaners – talle bruin Kapenaars – wat die Nieu-Seelandse All Blacks eerder as die Springbokke ondersteun.
Waarom maak dit saak? “Tweespalt”, wat ook die naam van die dokumentêr is, word jarelank al hierdeur in vriendekringe en selfs gesinne veroorsaak. HEINDRICH WYNGAARD het ’n mening.
Die omstredenheid wat losgebars het nadat ’n Wit Huis-adviseur pres. Donald Trump met Jesus vergelyk het, hou ook vir Suid-Afrika ’n les in. (Foto: www.whitehouse.gov)
Waarom? Die manier hoe Gayton Mckenzie se ondersteuners in die Patriotic Alliance hom soms teen kritiek verdedig, toon dieselfde neigings, skryf HEINDRICH WYNGAARD.
Die beeld van ’n kind, wat sy gesig in skaamte bedek omdat hy nie aan die fondsinsamelingsaksie kon deelneem nie, het emosies regoor die land ontketen.
Wat leer ons daaruit? GLEN SNYMAN skryf dat die werklike probleem is die enorme druk wat op onderwysers geplaas word om geld vir die skool in te samel.
Mondstuk Media was die eerste nuusplatform wat verlede Woensdagaand op Facebook die dood bekend gemaak het van die akteur, komediant en aktivis Soli Philander.
Wat is nog nie geskryf nie? Soos wat ons inhoudsredakteur, Heindrich Wyngaard, hier uitlig, was Philander se gender-identiteit ’n kwessie wat sommige mense verwar het.
Die meningsartikel verlede week in Mondstuk Media deur die Baaise Khoisan-aktivis Christian Martin “plaas ’n belangrike onderwerp op die tafel”, skryf RICARDO MACKENZIE.
Wat is sy punt? Hy stem saam dat enige oppervlakkige benadering tot die Khoi en San se erfenis bevraagteken moet word, maar die debat daaroor, sê hy ook, “moet die volle prentjie weerspieël”.
CHRISTIAN MARTIN skryf oor die spanning tussen die aanwending van die Khoi en San se kultuur om “toerismefooie” te verdien, terwyl hul traumatiese verlede vergeet word.
Waarom maak dit saak? Die Wes-Kaap is die plek van oorsprong van die Khoi en die San, maar die provinsie skeep dié historiese werklikheid lelik af.
Dit was Saterdag die dag waarop tjoklits en rooi rose ’n belangrike deel van verliefde of getroude paartjies se dag uitgemaak het.
Waaroor gaan dit? Valentynsdag het alles kamstig met die liefde te doen, maar MARYNA MARENGO-BARNARD het haar eie definisie daarvoor. Ons het haar gevra om dit met ons te deel.
