Wie en wat laat ons praat?
Wie en wat laat ons praat?
Die nasionale minister van gesondheid, dr. Aaron Motsoaledi (regs), was deel van die hoëvlak-afvaardiging wat verlede week die viering van Wêreld TB-dag saam met adj.pres. Paul Mashatile (links) op Caledon bygewoon het.
Waarom is dit belangrik? Mondstuk Media het ’n geleentheid gekry om hom te vra oor onder meer klagtes by plaaslike hospitale oor die optrede van sommige personeel.
Die Netwerk24- en Die Burger Praat Saam-gespreksreeks by die jaarlikse KKNK op Oudtshoorn skop Saterdagoggend af met ’n gesprek oor vir watter party(e) dié dorp se inwoners vanjaar behoort te stem.
Waarom is dit belangrik? Die dorp se koalisie-regering op plaaslike vlak bly ’n uitdaging, soos ook op ander plekke.
Die hoofdorp van die Overberg, Caledon, ontvang môre die soort hoëvlak-besoek wat lanklaas hier gebeur het. Behalwe die adjunkpresident, sal ook die minister van gesondheid, dr. Aaron Motsoaledi, en die Wes-Kaapse premier, mnr. Alan Winde, die viering van Wêreld TB-dag op die plaaslike sportgronde bywoon.
Waarom maak dit saak? Dienste wat gratis aangebied sal word, sluit in TB- en kankersifting, MIV, bloeddruk, diabetes en oogtoetse. Die reuse-markiestente wat gister opgerig is, sal vir die dag se verrrigtinge gebruik word. Mondstuk Media sal op Facebook en in ons volgende uitgawe dekking hieraan gee.
’n Tweede lid van die PA in die Wetgewer kan een van die dae ’n besoek van die polisie verwag, is gister aan Mondstuk Media gesê.
Waarom is dit belangrik? Die naweek het die party aangekondig een van sy LPW’s gaan vervang word omdat hy deur ’n 17-jarige meisie van verkragting beskuldig word.
Tientalle roubeklaers – onder wie bekende persoonlikhede – het Saterdag in die Nuwe Apostoliese Kerk in Athlone die begrafnisdiens van die akteur en komediant Soli Philander bygewoon.
Hoe het dit afgeloop? Dit was veral die ongelooflike koorsang wat die begrafnisgangers laat praat het, maar die legendariese fotograaf SHARIEF JAFFER het self ’n groot oomblik beleef.
Die organisasie Kaapse Forum het vanoggend met bestuur van Die Ark in Eersterivier vergader oor die rehabilitasiesentrum se veiligheidsmaatreëls.
Waarom is dit belangrik? Die familie van Edwina Adams, wat soontoe is weens haar tikverslawing, is omgekrap omdat die sentrum haar laat (weg)loop het sonder om die familie of polisie betyds te verwittig.
Gayton Mckenzie is in sy hoedanigheid as minister van sport, kuns en kultuur voorgestel by die J.S. Foundation-funksie gister op Saldanha.
Waarom maak dit saak? Ten spyte daarvan dat hy vasgeskop het teen bewerings dat die stigting se bekendstelling ’n verkiesingstrategie was, het hy deurentyd die hoed as leier van die Patriotic Alliance gedra.
Ontwrigting by Theewaterskloof duur voort. Hoewel die DA die raad in koalisie met Good en die Socialist Revolutionary Workers Party regeer, gebruik die ANC, PA en EFF (saam met Good) die meerderheidshef in hul hand. Die VF Plus sit op die draad.
Wat is nuut? Pogings word steeds aangewend om van Walter Hendricks (op die foto) as munisipale bestuurder ontslae te raak. Die gronde daarvoor oortuig nie.
Mondstuk Media was die eerste nuusplatform wat verlede Woensdagaand op Facebook die dood bekend gemaak het van die akteur, komediant en aktivis Soli Philander.
Wat is nog nie geskryf nie? Soos wat ons inhoudsredakteur, Heindrich Wyngaard, hier uitlig, was Philander se gender-identiteit ’n kwessie wat sommige mense verwar het.
Theewaterskloof-munisipaliteit is in ’n warboel ná drastiese besluite wat Vrydag in ’n raadsvergadering op Caledon geneem is. Ander moeilikheid vereis egter dringender aandag.
Die groter prentjie: Die munisipaliteit moet vanoggend antwoorde verskaf op die eise oor onder meer behuising, wat die Land Party onlangs tydens ’n optog op die dorp gestel het. Foto: SYDNEY ARMOED