’n Week van nou af sal dit die herdenking wees van die dag in 2021 toe Zhandré Jacobs soos ’n naald weggeraak het.
Hoe voel sy familie? Sy pa, Hansie, vertel eksklusief aan Mondstuk Media dat sy ma, Sophie, só gehoop het om net nog een keer sy stem te hoor voordat sy drie maande gelede gesterf het.
Sowel gevestigde as opkomende skrywers word genooi om hul nuwe tekste vir die 11de Teksmark van die KKNK in te skryf.
Waaroor gaan dit? Teksmark is ’n inisiatief vir die skep van nuwe verhoogtekste en bied ’n geleentheid aan die skrywers om hul tekste verder te laat ontwikkel. Foto: Hans van der Veen
Die motivering vir sy boek, “Môre Sal die Son Weer Skyn”, het uit sy eie en ander mense se lewenservaringe en uitdagings ontstaan, sê die sanger en skrywer (én eiendomsagent) Billy Paulson.
Wat wil hy bereik? Elke dagstukkie in die boek, sê hy, “is geskryf om hoop, geloof, bemoediging en praktiese lewenswysheid te deel”. Die boek kan bestel word by 082 443 2209.
Die slagspreuk “Abahambe” (“laat hulle padgee!”) word nou ook in die Wes-Kaap gehoor. Dit is die eerste keer deur die Patriotiese Alliansie gebruik, maar die party het sedertdien stiller geraak daaroor.
En nou? Die afgelope klompie dae is die slagspreuk egter uitgeleef in dorpe soos Mosselbaai, Kleinmond en Kraaifontein waar inwoners beweerde ongedokumenteerde buitelanders verjaag.
Die politieke week het afgeskop met die grootste skok vir die PA tot nog toe op pad na die plaaslike verkiesings van 4 November.
Wat’s die storie? Die voormalige DA-LP Liam Jacobs (hier saam met Tertuis Simmers en Geordin Hill-Lewis) het teruggekeer na dié party – omtrent presies ’n jaar nadat hy PA toe is. Maar toe wen die PA vier voormalige ANC-raadslede.
