Dinsdag, 28 April 2026
’n 17-jarige atletiekster van Swartberg Sekondêr op Caledon, Mateo le Roux, het beslis geen hoogtevrees nie.
Waarom maak dit saak? Hy is nie net die nasionale o/18-kampioen in hoogspring nie, maar ook nou die senior kampioen. Los Angeles Spele 2028, hier kom hy en sy afrigter, Heinrich Fortuin.
Talle bekendes, onder wie die krieketlegende Vernon Philander, die sanger Neville D en die storieverteller Lyntjie Jaars, het die afgelope naweek afskeid geneem van die gewilde TV-aanbieder Johnny Davids.
Zoom in: Die gewyde atmosfeer het ook ’n donker wolkie gedra toe die kwessie van sy ander seun, Juan, opgebring is.
“Oud, maar nog nie koud nie” is dalk ’n geykte uitdrukking, maar dit pas nogal goed by die geliefde liedjieboer Anton Goosen, laas maand 80 geword.
Hoekom maak dit saak? Terwyl sy ikoniese treffer “Jantjie” nou 50 gehaal het, het hy nóg ’n liedjie uit die verlede heruitgereik, naamlik “Hokaai hokaai”, maar aan Goosen skyn daar geen keer te wees nie.
Die 23ste Suidoosterfees (SOF) word vanaf Woensdag, 29 April, tot Sondag, 3 Mei, hoofsaaklik by die KunsteKaap-teater gehou.
Hoekom maak dit saak? Dit val saam met KunsteKaap se 55ste bestaansjaar; en “Kinderlê” (met o.a. Miché van Wyk en Theodore Jantjies) is een van die shows waarna Mondstuk Media uitsien. (Foto: GYS LOUBSER)
Die nuuskanaal eNCA het Sondagaand in sy “We, the Nation”-program ’n spesiale bespreking gehou oor die lot van bruin gemeenskappe ná dertig jaar van demokrasie.
Hoekom maak dit saak? Deelnemers het saamgestem dat die ervaring van marginalisering by bruin mense geldig is. HEINDRICH WYNGAARD het gekyk – en meen die fokus moet na ekonomiese opheffing verskuif.