Theewaterskloof-munisipaliteit is in ’n warboel ná drastiese besluite wat Vrydag in ’n raadsvergadering op Caledon geneem is. Ander moeilikheid vereis egter dringender aandag.
Die groter prentjie: Die munisipaliteit moet vanoggend antwoorde verskaf op die eise oor onder meer behuising, wat die Land Party onlangs tydens ’n optog op die dorp gestel het. Foto: SYDNEY ARMOED
Hoë-posbekleërs in rugby het die bekendstelling van die 2026-toernooi van die Ebrahim Patel Community Cup by die Fancourt-gholflandgoed in George bygewoon.
Wie was nog daar? Ook borge en verteenwoordigers van deelnemende klubs. Die toernooi-direkteur, Romano Lekay (regs), staan hier saam met die oud-Springbok Ashwin Willemse (links) en Stephan Rothner (middel) van Halfway Hyundai Knysna.
Hawston het die naweek voor nagenoeg 4 000 toeskouers gewys wat in hulle steek toe hulle Safcol met 37-22 kaf gedraf het in die vierde Overberg Challenge-toernooi van NH Sports.
Wat maak dit besonders? Dit was die vierde keer dat Hawston deelgeneem het en hul derde keer in die finaal. Op dié foto deur SYDNEY ARMOED lyk dit nog of Safcol ’n kans staan …
Die musiekverhoog by die 2026 KKNK-feesmark spog dié jaar weer met van die beste wat die bruin vermaaklikheidswêreld te bied het.
Waarom is dit belangrik? Jy kan elke dag ’n groot naam sien optree, onder wie Karin Kortje, Jodi Jantjies, Dr Victor & The Rasta Rebels en The Rocketzzz New Generation (in die middel op die foto).
Die meningsartikel verlede week in Mondstuk Media deur die Baaise Khoisan-aktivis Christian Martin “plaas ’n belangrike onderwerp op die tafel”, skryf RICARDO MACKENZIE.
Wat is sy punt? Hy stem saam dat enige oppervlakkige benadering tot die Khoi en San se erfenis bevraagteken moet word, maar die debat daaroor, sê hy ook, “moet die volle prentjie weerspieël”.
