Uitgawe 31

‘Champ, jou beurt sal kom,’ sê rugby-meneer aan 11-jarige speler voor proewe. Enkele dae later toe eis ’n ongeluk sy lewe

Orchard Primêr by De Doorns is die naweek deur ’n tragedie getref met die dood van ’n geliefde gr.5-leerder en kranige rugbyspeler, Jemaine Witbooi, links op die foto saam met sy ma, Natasha, en sustertjie, Tashneem.

Wat is bekend? ’n Bakkie het hom Vrydagmiddag getref en hy het Saterdag in die Worcester-hospitaal aan sy kop-, arm- en buikbeserings beswyk voordat hy Rooi Kruis toe vervoer kon word.

Lees die storie →

Die Ebrahim Patel-toernooi sal kan doen met Gayton Mckenzie se beloofde miljoen. Maar wanneer dan?

Die toernooi-direkteur van die EPCC, wat oor die Paasnaweek in George gehou is, sal hierdie week aanklop by mnr. Gayton Mckenzie (middel), minister van sport, kuns en kultuur, oor die geld wat hy hulle belowe het. Dit was in die teenwoordigheid van die oud-Springbok, Ashwin Willemse (regs).

En nou? Romano Lekay (links) het teenoor Mondstuk Media gereageer op vrae wat ontstaan het sedert die minister se aankondiging. Hier is die DRIE VRAE en sy antwoorde daarop

Lees die storie →

HULDEBLYK: Die skielike heengaan van ’n uitblinker in die uitsaaiwêreld. Het Johnny Davids hom dood gewerk?

Heindrich Wyngaard het op versoek van die webwerf Litnet ’n huldeblyk geskryf oor die TV-aanbieder, sportkommentator en sanger Johnny Davids, wat Donderdag aan ’n hartaanval dood is.

Rus in vrede, Boytjie: Wyngaard het op hulle persoonlike verhouding gefokus, maar hier voeg hy enkele paragrawe by oor die eise wat die uitsaaiberoep aan vryskutwerkers stel. Op die foto staan hulle op die O.R. Tambo-lughawe saam met Johnny se vriend, Randall Philander.

Lees die storie →