Maandag, 13 April 2026
Die PA-leier maak nou ghai van bruin DA-lede omdat hulle “net gebruik word om die PA op sosiale media aan te val,” sê hy.
Waarom maak dit saak? Omdat geen bruin kandidaat ’n werklik prominente posisie by die DA se federale kongres kon wen nie. Die DA sê kritici en sommige kommentators weet nie waarvan hulle praat nie.
’n Dokumentêr word tans vervaardig oor die veelbesproke verskynsel van Suid-Afrikaners – talle bruin Kapenaars – wat die Nieu-Seelandse All Blacks eerder as die Springbokke ondersteun.
Waarom maak dit saak? “Tweespalt”, wat ook die naam van die dokumentêr is, word jarelank al hierdeur in vriendekringe en selfs gesinne veroorsaak. HEINDRICH WYNGAARD het ’n mening.
Die mense van Knoflokskraal by Grabouw is steeds omgekrap oor die minister van openbare werke, Dean Macpherson, daar wil “ingryp” om “wet en orde” te herstel.
Wat nou? Eloïse Rossouw, ’n woordvoerder vir die gemeenskap, het in ’n RSG-onderhoud alles ontken wat die minister beweer by die “Khoisan-vesting” aan die gang is.
Die oud-WP-rugbybaas Thelo Wakefield het voor die naweek gebid vir ’n suksesvolle ope-hartoperasie vandag vir sy vrou, Des. Die operasie het toe goed afgeloop, maar hy sukkel nog om vroeg Saterdagoggend se skoknuus te verwerk.
Wat het gebeur? Uncle Thelo se boesemvriend, Chippie Solomon, spanbestuurder van die Stormers, het onverwags aan ’n hartaanval gesterf. Hier bring hy hulde.
Slegs maande nadat die PPM deur Chad Louw en Curt van Heerden gestig is, word dit nou glo deel van Mmusi Maimane se Build One South Africa-party.
Waarom is dit belangrik? Die skuif is ’n reddingsboei vir die PPM en beteken ’n moontlike groter voetspoor vir BOSA, spesifiek in die Wes-Kaap. ’n Aankondiging word môre verwag.