Maandag, 23 Februarie 2026
Janine Myburgh is saam met die feestemaker Darryl David die dryfveer agter die jaarlikse Adam Small-fees, wat die afgelope naweek gehou is. “Dit was fenomenaal,” sê sy.
Wat bied die fees? Die uitvoering Saterdagaand van toonsettings van Small se gedigte deur Frazer Barry en Tribal Echo (op die foto), was een element. Ander sluit in boekpraatjies en lesings.
’n Nuwe toevoeging word hierdie week gemaak tot die aanbod van die Ebrahim Patel Community Cup-rugbytoernooi, wat oor Paasnaweek op George plaasvind. Oud-Springbok Ashwin Willemse speel ’n rol daarin.
‘Comeback kid’: Willemse maak as deel van die toernooi se aktiwiteite sy terugkeer tot die veld, maar darem nie om self uit te draf nie. Hy bied Woensdag en Donderdag rugbyklinieke op George en Pacaltsdorp aan.
CHRISTIAN MARTIN skryf oor die spanning tussen die aanwending van die Khoi en San se kultuur om “toerismefooie” te verdien, terwyl hul traumatiese verlede vergeet word.
Waarom maak dit saak? Die Wes-Kaap is die plek van oorsprong van die Khoi en die San, maar die provinsie skeep dié historiese werklikheid lelik af.
’n Vergadering wat vandag sou plaasvind om te besluit of die Theewaterskloof-raad ’n hofaansoek deur dié omstrede direkteur van gemeenskapsdienste gaan teenstaan, is uitgestel.
Waaroor gaan dit? Solomons-Johannes beweer TWK het nie die korrekte prosedure gevolg met sy dissiplinêre verhoor nie. Blykbaar was daar vroeër kontak tussen die raad en die voorsittende beampte.
HEINDRICH WYNGAARD skryf oor die teoloog en struggle-leier dr. Allan Boesak, gebore op 23 Februarie 1946 in Kakamas, wat vandag 80 word.
Wat is die betekenis van hierdie mylpaal? Heelwat van dr. Boesak se struggle-tydgenote, onder wie prof. Jakes Gerwel en dr. Franklin Sonn, het ons reeds ontval.
René Arendse, oudonderwyser en kultuurwerker, is vir langer as ’n jaar nou al die nasionale adjunk-koördineerder van die Afrikaans Amptelik 100-veldtog.
Wat het dit vir haar beteken? Soveel as wat sy nooit haar betrokkenheid by die projek persoonlik wou maak nie, het die veldtog tog Afrikaans vir haar “huis toe gebring”.