Maandag, 17 November 2025
Die PA-leier, mnr. Gayton McKenzie, het nie nog gewag vir vandag se uitgawe van Mondstuk Media nie toe vertel hy al vir sy ondersteuners van die onderhoud wat hy aan ons toegestaan het. Maar ook toe nou weer op sy manier. Ons moedig jou dus aan om die storie te lees en die video op Facebook te kyk. Maar ons wil, soos altyd, ook debat aanmoedig, hierdie keer oor TikTok-videos waarin spesifiek juffrouens darem net te gemaklik vergeet dat hulle volgelinge ook voor hulle in die klaskamer sit en dat kinders nie altyd doen wat hulle gesê word nie, maar veel eerder doen wat hulle sien. JULIAN EMDON van EMDON VIDEO + PHOTO het die voorbladfoto geneem.
Ons fotograaf het hierdie skrywer van bekende TV-reekse einde verlede week op die pad tussen Stellenbosch en Somerset-Wes, raakgesien. Hy het vriendelik sy venster afgedraai om vir ons fotograaf se kamera te glimlag. Jy kan die foto sien as jy op “Lees verder” klik. Jy is ook welkom om vir Mondstuk Media mooi foto’s te stuur na info@mondstuk.co.za
Noudat ambassadeur Ebrahim Rasool die ANC onterf het, is past. Jerimia Thuynsma van Mitchells Plain geroep om die Wes-Kaapse ANC verby comrade-koppeslanery na beter dae te lei.
Wat is die verskil tussen die twee? Past. Thuynsma maak dit minder oor homself en hy draai nie doekies om oor hoe bruin mense deesdae oor die ANC voel nie. Sing vir hom ’n hallelujah-lied.
Die “Prez” van die Patriotic Alliance, mnr. Gayton McKenzie, het Saterdagaand by die Afrikaanse Taalmuseum- en monument se 50-jarige vieringsgala in die Paarl ingestem tot ’n impromptu onderhoud met Mondstuk Media se inhoudshoof, Heindrich Wyngaard.
Wat het uitgestaan? Die “Prez” wil hê die Weermag moet ingeroep word teen bendegeweld op die Kaapse Vlakte.
Mondstuk Media se aandag is geruime tyd reeds gevestig op TikTok-dansvideos wat deur jong onderwysers in klaskamers opgeneem word. Leerders word in party gevalle deel gemaak daarvan.
Wat is die probleem? Nie al die videos is opvoedkundig van aard, soos dié wat die “Wiskunde-juffie”, Lizette Boois (op die foto), gewild gemaak het op Youtube nie. Sommige is seksueel-suggestief, al is dit onbedoeld. Volg jy?
Heindrich Wyngaard skryf oor die storie agter die foto van dr. Franklin Sonn, pas afgestorwe voormalige onderwysman, struggle-ikoon en ambassadeur, wat vandag op Die Burger se voorblad gebruik is.
Die dieper betekenis: Soos die man na wie hy op die foto staar, Nobelprys vir Vrede-wenner dr. Albert Luthuli, was dr. Sonn self ’n vredemaker van Nobelprys-statuur.
