Die VGK-dominee van Clanwilliam, wat onlangs die nuus gehaal het oor ’n uitgelekte stemnota waarin hy woedend die p-woord teenoor sy vrou geuiter het, is terug op die kansel.

Hoekom maak dit saak? In die nadraai van die opspraakwekkende stemnota, is ds. Wilden Fayzel Hector tydelik uit sy amp onthef en moes hy homself na die Wes-Kaapse Hooggeregshof wend om die mond te snoer van die plaaswerker-aktivis mnr. Billy Claassen. Ook die ring van Clanwilliam is nog in sy visier.