Dinsdag, 16 Desember 2025
Ons bring vandag vir die eerste keer ’n spesiale uitgawe van Mondstuk Media uit omdat ons glo die verhaal van Junior King is te belangrik om dit slegs op Facebook te hanteer. Hierdie jongman het nie slegs sy talent aangewend om vir homself aansien te wen nie. Hy het dit gebruik om kinders te help om deur die aanleer van danspassies die uitsigloosheid in bruin gemeenskappe teen te werk, hier waar talent dikwels die enigste wegkomkans van armoede en ellende en maatskaplike struikelblokke is. Mag Junior King se nalatenskap voortleef.
Die danser en rymkletser Junior King (29) se ma, mev. Marian Ferreira, het in haar eerste media-onderhoud met Mondstuk Media gepraat nadat haar seun se tragiese dood verlede Donderdag die familie en sy fans getref het.
